Тој претходно објави на својата страница на Инстаграм дека ќе подарува ваучери за ланецот супермаркети „Колс“ во вредност од над 100.000 долари и ги откри локациите што ќе ги посети.
Утрово стотици Австралијци беа видени како чекаат на ред пред Колс во Пенрит и Ферфилд Вест, каде што го чекаа доаѓањето на милијардерот на 33 степени Целзиусови и шансата да обезбедат ваучер во вредност од 100 или 200 долари, пишува Дејли мејл.
Портели лично ги подели првите десет ваучери, а останатите ги поделија вработените во супермаркетите.
„Одлично е што можеме да им помогнеме на семејствата пред Божиќ. Можам да си го дозволам тоа“, рекол милијардерот, кој истиот ден посетил и продавница во Порт Аделаид.
Портели еднаш договорил скапиот McLaren Senna GTR, вреден три милиони долари, да биде подигнат на 57 кат и да биде вметнат во неговиот стан. Тој е познат и по прекарот „Господин Ламбо“.
Тој е основач на претплатничката компанија LCMT+, а минатата година купи пентхаус во Мелбурн, и постави рекорд по продажната цена.
