Холивудската ѕвезда Том Круз ја скрши ногата за време на снимањето на филмот „Mission: Impossible: The Breakup“, по што го интересираше само дали сцената е снимена.
Инаку Том е познат по своите спектакуларни акробации на филмските сетови. Сега уште еднаш ги шокираше сите со својата исклучителна професионалност и храброст за време на снимањето на популарната франшиза Невозможна мисија.
Имено, за време на снимањето на една од акционите сцени, Круз се здобил со повреда на ногата, но не дозволил тоа да го спречи да ја заврши целата сцена.
Иако веднаш сфатил дека си ја скршил ногата, Круз размислувал само дали сцената е снимена.
- Знаев дека сум ја скршил ногата, но се качив до камерата за да може да се снима сцената, бидејќи знаев дека нема да имам друга шанса да ја снимам - изјави подоцна Круз.
Продуцентот на филмот откри дека првото нешто што Том го направил по повредата е да се сврти кон камерманите и да ги праша: „Дали вие го снимивте ова?
Том Круз е познат по тоа што често се впушта во опасни акробации за време на снимањето на неговите филмови, а за разлика од многу други актери, тој не користи каскадери.
