Токму овој фустан беше инспирација за создавањето на Google Image Search. Иако возбудата околу една комбинација е тешко да се повтори, Лопез дури и не се обидува бидејќи многу добро знае што ѝ одговара стилски.
Фустан во боја на жалфија
Минатата недела, во среда, актерката се појави на 25-то издание на Меѓународниот фестивал на латино филм во Лос Анџелес (LALIFF), каде што привлече внимание во фустан во боја на жалфија од брендот Bronx and Banco, пишува Harper's Bazaar.
Лелеавата, плисирана креација беше нагласена на половината со кристален ланец, кој дополнително ги нагласи колковите. Горниот дел имаше длабоко деколте украсено со соодветни кристални алки, додека долниот дел продолжуваше во развеано здолниште со прорези на предната страна.
За дополнителна доза на гламур, Лопез носеше скратено сако преку фустанот, чии ракави и рабови беа украсени со впечатливи текстурирани детали. Таа го заокружи изгледот со додатоци од розово злато, вклучувајќи сандали со платформа и сатенска чанта од Тајлер Елис.
Награда за латино придонес
Лопез ја доби инаугуративната награда Аделанте за придонес во индустријата на церемонијата на отворањето на фестивалот, која ги признава нејзините филмови што го слават латино наследството, како што се „Селена“ и „Ел Кантанте“.
Наградата ѝ ја врачи Едвард Џејмс Олмос, коосновач на фестивалот и нејзин колега во „Селена“. „Џенифер Лопез припаѓа на генерација уметници кои помогнаа да се дефинираат границите на она што е можно кога станува збор за латино претставување во филмот и телевизијата“, рече Олмос. „Честа со која ѝ оддаваме почит на ова јубилејно издание на LALIFF е затоа особено значајна.“
