Имено, Севе доби престижна награда и беше избрана за најдобра поп-пејачка во Хрватска, а со своето елегантно издание, како и говорот на сцената - Севе го разгали цел Балкан.
Таа блескаше во црн долг фустан со шлиц, на сцената се појави видно возбудена, а веднаш на почетокот рече: „Не сакав да дојдам вечерва, бидејќи во последните неколку дена луѓето ме гледаат како умрев, а потоа воскреснав...“
- Ова е мојот свет, сцената е мојот свет, не е лудост... упс, судницата е мојот свет - започна Севе.
И додека преку својот емотивен говор, покрај кариерата, зборуваше и за својата борба, борбата на жената, борбата на мајката, во еден момент го поздрави и синот Александар, кого има можност да го види само двапати неделно по одземањето на старателството.
– Сакам да му се заблагодарам на моето семејство, и да го поздравам син ми кој сега ме гледа на телевизија – рекла пејачката со солзи во очите.
Иако на крајот успеа да се воздржи, сепак со својот говор успеа да ја расплаче мајка си.
