Според изводот на умрени што го објави The Blast, актерот починал од атеросклеротична кардиоваскуларна болест. Тој со години страдал од срцевата болест, а неговата смрт била проценета како природна. Починал мирно во сон.
Ветерс починал во својот дом во Венис, Калифорнија на 2 февруари на 76-годишна возраст.
Тој беше најпознат по улогата на Аполо Крид во филмовите Роки. Ведерс глумеше и во филмот „Предатор“ од 1987 година, а ќе остане запаметен по улогата во филмот „Среќен Гилмор“. Тој беше номиниран за Primetime Emmy награда за одличен гостин актер во драмска серија за неговата работа на The Mandalorian.
Роден бил на 14 јануари 1948 година во Њу Орлеанс. На почетокот се занимавал со различни спортови, вклучувајќи бокс, фудбал, борење и гимнастика. Играл фудбал на Државниот универзитет во Сан Диего и им помогнал на Ацтеките да го освојат Купот на Пасадена во 1969 година.
Тој, исто така, заработил диплома за театарска уметност, но потпишал со Оукленд Рајдерс како слободен агент во 1970 година и играл во осум натпревари во НФЛ како бек во текот на две сезони. Сепак, по повредата го напуштил спортот и целосно се свртел кон актерството.
Зад себе остави два сина и неговата сопруга Мери Ен. По неговата смрт зборуваше и неговиот колега од Роки, Силвестер Сталоне.
„Вчера изгубивме легенда. Животот ми се промени засекогаш кога го запознав Карл Ведерс. Одмори се и продолжи да удираш“, напишал тој на видеото на кое стои пред сликата од нивната позната борба во Роки.
"Денес е неверојатно тажен ден за мене. Толку сум растргнат што не можам ни да опишам. Карл Ведерс беше составен дел од мојот живот, мојот успех. Кога влезе во таа соба и го видов за прв пат , видов величина. Но не сфатив колку е одличен. Никогаш немаше да го имам успехот на Роки да не беше тој“, изјави Сталоне.
"Тој беше волшебник. Бев многу среќен што сум дел од неговиот живот. Аполо, продолжи да удираш", заклучил тој.
