Видеото, кое стана вирално за само неколку часа, остави многу луѓе тажни.
Тој беше снимен од минувач кој го препознал.
„Тајлер Чејс, поранешен детски актер на „Никелодеон“, најпознат по улогата на Мартин Кверли во „Водичот за средно училиште на Нед“, е забележан како живее на улиците на Калифорнија, предизвикувајќи загриженост кај обожавателите и неговите поранешни колеги“, пишуваше во описот на видеото.
- Дали си актер? - праша човекот кој го снимал видеото.
- Тејлор Чејс, актер од Холивуд, специјално за „Никелодеон“ - му рече бездомникот.
- Зошто си на улица? - праша човекот
- Поради финансиската состојба - рече поранешниот актер.
- Еве малку пари. Не грижи се за ништо, обиди се да си го подобриш животот - рече човекот додека му даваше банкноти, а Тејлор сакаше да му даде часовник за возврат.
Според TMZ, тој одбива помош и од полицијата.
Актерката Линдзи Шо исто така се огласи во оваа пригода, велејќи дека навистина сака да го види Тејлор.
- Не може многу да се направи, но би сакала да разговарам со него, да го прегрнам и да го погледнам во очи. Ми недостига Тејлор, многу го сакам - рече таа, по што следеа бројни реакции на социјалните мрежи.
„Жал ми е за него. Злоупотребата владее во таа индустрија. Се надевам дека ќе побара помош и ќе се отрезни“, „Неверојатно тажно. Холивуд ги јаде младите луѓе. Не заборавајте да се молите за зависникот кој сè уште страда“, „Ова е она што Холивуд им го прави на луѓето, особено на децата“, се некои од коментарите на социјалните мрежи.
Тејлор Чејс стана ѕвезда по улогата на Мартин Квери во ситкомот „Водич за преживување во училиштето на Нед“. Тој глумеше и во серијата „Сите го мразат Крис“ и филмот „Добро време Макс“.
