Во него глумат и Лаура Марано („The Royal Treatment“, „Lady Bird“, Кристина Очоа („Animal Kingdom“) и Марио Тардон („Risen“).
Снимањето веќе започна во Шпанија, а филмот го продуцира AF Films. „Capstone Pictures“ се грижи за светската дистрибуција.
Приказната следи група пријатели чиј одмор на море се претвора во борба на живот и смрт. Главниот лик, Татјана (Марано), е заробена во океанот, со ајкули што се кријат под неа и опасни криминалци над површината. За да преживее и да ги спаси своите пријатели, таа ќе мора да биде исклучително храбра и досетлива.
Антонио Бандерас го игра Бернс, ладнокрвен и пресметлив негативец кој добро го познава океанот. Тој е опишан како човек обликуван од насилство, тивок, но застрашувачки, кој педантно планира сè.
Искусен тим зад камерата
Филмот е режиран од Џеси В. Џонсон, поранешен каскадер познат по акционите хитови како што се „Savage Dog“, „Triple Threat“ и „Accident Man“. Тој работел и како каскадер на големи холивудски проекти како што се „Невозможна мисија 3“, „Терминатор 3“ и „Тотално потсетување“.
Продукцијата ја води шпанската компанија „AF Films“, позната по успешните жанровски филмови и меѓународните копродукции. Дистрибутерот „Capstone Pictures“, предводен од Кристијан Меркури, е одговорен за познати наслови како што се „Волкот од Волстрит“ и „Глупавиот и поглупавиот 2“.
