Инцидентот се случил на париската станица Гар ди Нор во среда, 10 декември, а снимката брзо се прошири на интернет.
Фотограф: „Те сакаме“. Елорди: „Не те познавам“
Во видеото, 28-годишниот актер се обидува да помине незабележано низ станицата додека фотографот го следи. Кога фотографот му викнал: „Џејкоб, те сакаме“, ѕвездата од Франкенштајн ја спуштил слушалката и одговорил: „Навистина ми го отежнуваш животот“.
Додека фотографот повторувал: „Те сакаме“, Елорди возвратил: „Не те сакам“, додавајќи уште еднаш: „Ми го отежнуваш животот“. Претставниците на актерот не одговориле веднаш на барањето за коментар за инцидентот во Париз.
Обожавателите застанале во одбрана на актерот
Откако видеото стана вирално, многу обожаватели застанале во одбрана на Елорди. „Ова е искрено срцекршачко. Славата не е слободен премин за светот да ги игнорира вашите граници“, напиша еден корисник на социјалните мрежи.
„Можете да ја сакате нечија работа без да му го отежнувате животот. Џејкоб заслужува иста основна човечност и простор како и секој друг“, се согласи друг: „Ќе ме нервираше од првата секунда ако некој ме следеше вака.“
Ненадејна слава и нејзините последици
Елорди се искачи на славата во франшизата на Нетфликс „Кабина за бакнување“ и го зацврсти својот ѕвезден статус со улога во серијата на HBO „Еуфорија“. Неговата кариера продолжи да расте со проекти како „Солтберн“ и „Присила“, а неодамна доби номинација за „Златен глобус“ за улогата во „Франкенштајн“.
Актерот неодамна зборуваше за славата во подкастот „The Hollywood Reporter's Awards Chatter“. „Се разбудив во сосема поинаков свет“, се присети тој.
„Интернетот е луд. Беше толку страшно. Можев да го почувствувам интернетот како се манифестира во реалниот свет. Одев во мојата кафетерија и одеднаш се чувствував како да сум во „Шоуто на Труман“, рече Елорди, кој стана вирален кога се скара со вратар на Филмскиот фестивал во Венеција во септември оваа година, пред светската премиера на „Франкенштајн“.
