„Многу сум возбудена што ќе го споделам моето искуство со матичните клетки. Пред две години, го повредив рамото додека кревав тегови, што ме остави во неподнослива болка“, напиша Ким на Инстаграм.
Таа рече дека пробала сè за да ја ублажи болката сè додека не ја открила терапијата со матични клетки. Откако го започнала третманот - кој вклучува користење на матични клетки за поправка или замена на оштетеното ткиво и органи - Ким забележала моментални резултати, а нејзиниот целосен опсег на движење се вратил.
„Моето рамо е сосема нормално оттогаш“, додава таа, заблагодарувајќи му се на докторот кој ѝ помогнал.
Неодамна се вратила кај истиот доктор поради хронична болка во грбот што ја доживувала со години.
„Третманот со матични клетки промени сè. Почувствував моментално олеснување и неподносливата болка конечно исчезна. Ако имате болки во грбот, не можам доволно да го препорачам овој третман - ми го промени животот кога мислев дека моето тело се распаѓа“, рече таа.
Во објавата, таа забележа дека знае дека третманот можеби не е достапен за секого и ги предупреди своите следбеници темелно да го истражат третманот и да разговараат со своите лекари доколку одлучат да го применат.
Продолжува со тренирање и покрај повредата
Ким претрпе повреда на рамото во 2023 година, но тоа не ја спречи да продолжи со редовните тренинзи во теретана. Таа се врати на вежбање само неколку недели по повредата.
Ким често ги споделува своите моменти од теретана на социјалните мрежи, но претходно беше критикувана за нејзините интензивни рутини - особено откако ослабе околу 8 килограми за три недели.
Кардашијан ослабе за да може да го носи иконскиот фустан на Мерлин Монро на Мет Гала во 2022 година.
Нејзиниот личен тренер рече дека Ким ослабела на здрав начин:
„Навистина се трудеше. Бев тука за неа во текот на целиот процес. Не се изгладнуваше. Следеше балансирана исхрана, понекогаш не јадеше многу, но редовно тренираше и даваше сè од себе“, рече тој.
Извор: Б92
