Два извори изјавиле за NBC News дека контроверзниот поранешен филмски продуцент во затвор се лекува од рак на коскената срцевина.
„Харви Вајнштајн, обесчестениот холивудски магнат чие наводно сексуално недолично однесување го поттикна движењето #MeToo и кој неодамна беше обвинет за нови злосторства, боледува од хронична миелоидна леукемија“, изјавија два извори за NBC News.
Хроничната миелоидна леукемија е ретка форма на рак на коскената срцевина, според Клиниката Мајо.
Во изјава за NBC News вчера вечерта, правниот здравствен застапник на Вајнштајн, Крег Ротфелд, рече: „Од почит кон приватноста на г-дин Вајнштајн, нема да коментираме повеќе“.
Веста за дијагнозата на Вајнштајн доаѓа во време кога тој се справува со голем број здравствени проблеми. Минатиот месец тој имаше итна операција на срцето за да намали значително количество течност во белите дробови и срцето.
Во јули, тој беше хоспитализиран и беше позитивен на Ковид-19 и двојна пневмонија.
Поранешниот продуцент Харви Вајнштајн беше прогласен за виновен по две точки од обвинението во судскиот процес за сексуален напад.
Тој беше осуден по помали обвиненија за силување од трет степен и сексуален напад од прв степен.
Меѓутоа, Вајнштајн беше ослободен од најтешкото обвинение против него, предаторски сексуален напад и силување од прв степен.
Тој се уште се соочува со обвиненија во Лос Анџелес за силување и сексуален напад на две жени во 2013 година, јавува Мирор.
