73-годишниот актер драстично го промени својот изглед пред неколку години и воодушеви со својата линија на црвениот тепих.
Исхраната и тренингот на Гудман
Имено, откако решил да ослабе, ослабел околу 90 килограми. Уште во 2007 година, тој се префрлил на медитеранска исхрана. Неговите оброци главно се состојат од риба, маслиново масло, зеленчук, јаткасти плодови и овошје. Покрај тоа, тој вежба шест дена во неделата и се грижи да прави помеѓу 10.000 и 12.000 чекори секој ден.
Тој, исто така, се откажал од алкохолот
„Порано, правев пауза од три месеци, ослабев 27 или 30 килограми, а потоа се наградував со пакет од шест лименки пиво или нешто друго и едноставно се враќав на моите стари навики. Овој пат сакав да го правам тоа полека, да се движам, да вежбам. Достигнувам возраст кога повеќе не можам да си дозволам да седам мирно. А тоа ми дава енергија за работа, бидејќи работата е многу исцрпувачка“, изјавил еднаш за странските медиуми.
За време на својата кариера, Џон оствари бројни филмски и телевизиски достигнувања, но неговата најзначајна улога беше во серијата „Розан“. Глумеше, меѓу другите, во филмовите „Големиот Лебовски“, „Семејството Кременко“, „Кловерфилд Лејн 10“, „Позајмувачите“ и во серијата „Конери“.
За новиот филм
„Штрумфовите“ е американска анимирана музичка фантастична комедија од 2025 година, базирана на серијата стрипови „Штрумфови“, создадена од белгискиот комичар Пејо. Филмот е режиран од Крис Милер, а напишан од Пам Брејди. Покрај Гудман, гласовите ги позајмија и Ријана, Џејмс Корден, Ксоло Маридуења, Октавија Спенсер, Сандра О и многу други.
Во оригиналната верзија на филмот, Штрумфета го позајмува гласот на Ријана.
„Кога злите волшебници Разамел и Гаргамел го земаат Тато Штрумф, Штрумфета ги води Штрумфовите на мисија во реалниот свет за да го спасат“, е синопсис на филмот.
