Сликите на поранешните сопружници го обиколија светот, а момчето на Гарнер, Џон Милер наводно е многу незадоволен од блискоста што се гледа на фотографиите.
„Тој никогаш повеќе не сака да види нешто слично“
Извор близок до парот тврди за Page Six дека Милер и дал ултиматум на својата девојка по фотографиите со Афлек. "Тој знае дека ништо не се случува меѓу Џен и Бен, но мисли дека фотографиите не оставаат добар впечаток и покажуваат непочитување кон врската. Тој ѝ постави ултиматум - никогаш повеќе не сака да види такво нешто или нема да има избор и ќе мора да замине", истакнал изворот.
Да се потсетиме дека Афлек и Гарнер се дружеа за 13-тиот роденден на нивниот син. Направени се снимки за време на натпревар со пејнтбол, а на фотографиите Бен ја прегрнува Џенифер околу половината додека таа нишани во целта. За време на прославата се видени и поранешните сопружници како се смеат и разговараат.
Афлек заинтересиран за врска со Гарнер?
Претходно се појавија гласини дека Бен е заинтересиран повторно да ја разгори романсата со Џенифер, но извор близок до актерката изјави дека „чувството не е взаемно“. "Таа е среќна со своето момче и не ни размислува за врска со Бен Афлек. Тие заедно ги одгледуваат своите деца и тоа е единствената врска меѓу нив од нејзина страна во моментов", рекол изворот.
Гарнер и Афлек беа во брак од 2005 до 2018 година, а и после тоа останаа во одлични односи за доброто на своите деца. Заедно ги имаат ќерките Виолет (18) и Серафина (15) и синот Самуел (12).
