Една од најубавите холивудски ѕвезди, актерката Шарлиз Терон уште еднаш докажа дека е дама со стил и дека може да го носи апсолутно секое парче облека, без разлика дали е лежерна комбинација или гламурозна, како она што го носеше на гала вечерата во Париз.
Шарлиз присуствуваше на настан организиран од фондацијата „Луј Витон“ во пресрет на Олимписките игри, а публиката ја остави без здив со своето елегантно издание. Целата во бело изгледаше како нежна принцеза, облечена во краток фустан со драматичен детал на левото рамо - ткаенина која паѓаше до подот.
Мини фустанот ги откри нејзините совршено затегнати витки нозе, кои ги истакна со едноставни златни сандали на високи потпетици со прерамки.
