Сагата околу разводот на Никол Кидман и Кит Урбан воопшто не стивнува.
Иако тие повеќе не живеат во ист дом, тие остануваат во истиот град Нешвил, каде што градеа заеднички живот со години, и како што стојат работите, ниту еден од нив не планира да си замине.
Кит живее во Нешвил со децении, додека Никол се пресели таму откако се венча во 2006 година. Во 2008 година, двојката купи раскошна вила во затворената заедница Нортамберленд, каде што ги одгледаа ќерките Сандеј (17) и Фејт (14).
Откако нивниот развод беше потврден во септември, Никол остана во семејниот дом, додека Кит се пресели во привремен стан, кој наводно се наоѓа во близина. Тие сè уште се среќаваат на истите места, купуваат намирници во истата продавница за храна, па дури и го користат истиот фризер. Ешли Валер е задолжена за неговите локни и одржување на русата боја на косата на Никол?!
Инаку, според договорот за старателство, кој Кит го потпиша во август, Кидман ги има децата 306 дена во годината, додека Урбан преостанатите 59 дена, вклучувајќи го и Денот на благодарноста оваа година.
Неговото време со своите ќерки е строго дефинирано: од сабота во 10 часот наутро до недела во 18 часот, секој втор викенд.
