Барселона е казнета со 30.500 евра за два инцидента за време на натпреварот против Славија Прага на 21 јануари, соопшти УЕФА.
Каталонците мора да платат 15.500 евра за пиротехника на своите фанови на средбата во Прага во Лигата на Шампионите и уште 15.000 евра за доцнење на теренот. Доцнењето му се припишува на главниот тренер Ханси Флик, кој доби официјално предупредување од дисциплинската комисија на УЕФА.
Од друга страна Славија Прага е казнета со 40.000, и тоа 20.000 евра за блокирање на излезите за навивачите и уште 20.000 евра за употреба на пиротехнички средства. Покрај тоа, делумното затворање на стадионот останува условна казна со двегодишен условен период.
