Фудбалскиот сојуз на Турција одлучи да го раскине договорот со селекторот Стефан Кунц откако германскиот тренер ги критикуваше играчите по поразот во пријателскиот натпревар од Јапонија, објави новинската агенција Демирорен (ДХА).
По поразот од Јапонија (2:4) Кунц одговори на повиците на навивачите да поднесе оставка со изјавата дека неговите играчи мора да работат повеќе и дека тој не би требало да ја преземе целата вина.
„Демирорен“ пренесува дека коментарите на Кунц ги расипале односите кон тамошниот Сојуз кој одлучил да го тргне од селекторската функција.
Кунц беше поставен за селектор на Турција во септември 2021 година откако претходно ја предводеше селекцијата на Германија до 21 година до европската титула во 2017 и 2021 година.
На клупата на Турција победи на 12 од 20 натпревари. Најверојатно негов наследник ќе биде помошникот Кенан Кочак.
Stefan Kuntz has been dismissed as Turkey national team coach following the recent 4-2 defeat against Japan, according to reports in Turkey. Kuntz is highly appreciated at the DFB after leading the U21s to two European championship titles and would be a cheaper alternative to… pic.twitter.com/N2gDQITMFT
— Bayern & Germany (@iMiaSanMia) September 17, 2023
