Веќе неколку сезони во серија, екипата на Цеље е хит број еден во Словенија и клуб кој убедливо е најдобар во шампионатот на оваа земја. Ден по елиминацијата од Слован Братислава и пропуштената шанса за сензационален пласман во групната фаза од Лигата на шампионите, овој клуб обелодени интересен трансфер.
Од пред два дена, нов член на НК Целје е Лука Георгиев од Македонија, кој сепак живее со своите родители во Словенија и го носи репрезентативниот дрес на младинските селекции на оваа земја.
Станува збор за извонреден талент, кој досега настапуваше за екипата на Приморје. Има само 16 години и игра како фудбалер за врска, а важи за еден од најдобрите млади таленти во оваа земја.
Со самото тоа што прави трансфер во најдобриот клуб во Словенија, јасно е дека станува збор за играч од кого се очекува многу во периодот кој следи. За Лука Георгиев сè уште постојат шанси да игра за Македонија.
