И покрај понудите, веќе е јасно дека Хари Кејн нема намера, барем засега, да си оди од Баерн Минхен. Од таборот на “баварците“ велат дека наредните денови ќе започнат преговорите со својот голгетер за продолжување на договорот и дека нема место за никаква паника.
Инаку договорот на Англичанецот со Баерн Минхен истекува во јуни 2027.
Виктор Ѓокереш би можел да го напушти Арсенал во случај Осимен или Алварез да го засилат нападот на шампионот во Премиерлигата. Последните информации од Англија и Шпанија велат дека тој би можел да се пресели во Барселона која е во грчевита битка со времето за пронаоѓање на класичен шпиц. И натаму Алварез е првиот пик, ама тоа веројатно ова лето нема да се случи, а и Интер нема намера да го продаде Лаутаро.
Откако фрлија повеќе од 300 милиони евра на засилувања, а вчера имаа ужасен старт на сезоната, пораз од Брентфорд со 3:0, Тотенхем има намера да го доведе и Коди Гакпо, еден од најдобрите фудбалери на Ливерпул. Од друга страна Ришарлисон си оди од Тотенхем.
