Од вчера и официјално е дека со завршување на сезоната, ќе се заврши и договорот на Кевин де Брујне со Манчестер Сити и тој ќе си замине. Не најави дека ќе оди во пензија, туку посочи дека има намера уште да игра фудбал. Се споменуваат клубови од МЛС и Саудиска Арабија, но сепак интернационалецот од Белгија може и да остане во Европа, поточно да се врати во Бундеслигата во тимот на Волфсбург, од каде и дојде во таа 2015 година во Сити.
Германскиот клуб преку своите социјални мрежи му понуди да се врати.
Интересно е тоа што ова се случува додека раководството на Манчестер Сити се спрема да му подигне статуа на Де Брујне пред стадионот „Итихад“. Она што го направи за Серхио Агуеро, Винсент Компани и Давид Силва, тоа ќе го стори и со Кевин де Брујне.
