Лидерот во англиската Премиерлига, Ливерпул веќе втор последователен меч во англиската елита не успеа да слави, откако вечерва на гостувањето кај третопласираниот Нотингем Форест одигра 1:1. Иако имаа комплетна доминација 90 минути, гостите не успеаја да го скршат до крај бункерот на „шумарите“ кои вечерва се одлучија да не играат фудбал и од првата до последната минута да се бранат.
Во една таква слика на теренот, Нотингем Ф. успеа да искористи една грешка на Ливерпул и брзо во 9. минута преку Крис Вуд да го отвори резултатот за водство од 1:0. Од овој момент, па се до постигнувањето на голот на Жота за 1:1 во 66. минута, домашните се бранеа со 11 фудбалери и не дозволија Ливерпул да упати ниту еден директен шти во голот на Селс. По израмнувањето, следеа уште три 100% шанси за Ливерпул за комплетен пресврт, но Селс беше неверојатен и му донесе голем бод на својот тим.
