Фудбалерите на Штутгарт кои се актуелни вицешампиони на Германија, едвај се спасија од пораз на вечерашниот меч од шестото коло во Бундеслигата. На домашен терен, Штутгарт го пречека Хофенхајм, но иако беа големи фаворити на крајот со многу среќа ремизираа 1:1.
Хофенхајм поведе во 45. минута преку Гендри, а домашните успеаја да се спасат од пораз дури во 10. минута од судиското продолжение, кога Демировиќ биеше од пенал, голманот Бауман одбрани, но репрезентативецот на Босна и Херцеговина ја собра топката и од втора ја испрати во мрежата, за конечни 1:1.
