Ете и тоа го има во фудбалот и тоа во еден така голем клуб како што е Лацио. Клубот од Рим го доведе Србинот Петар Ратков од Салцбург, ама проблемот е во тоа што тренерот Маурицио Сари не го знае, а за него се платени 13 милиони евра.
„Не го познавам Ратков, па не знам што да кажам. Ќе го запознаам и ќе ги искористам неговите квалитети и силни страни. Клубот го запозна подобро од мене.“ посочи Сари.
Заклучокот е дека клубот може да направи многу во зимскиот преоден рок што би го подобрило остатокот од сезоната.
„На почетокот на сезоната реков дека ќе останам по секоја цена и покрај ситуацијата. Се случија уште повеќе работи отколку што очекував и ми е жал само за навивачите на Лацио на кои им го дадов зборот. Преодниот рок сè уште не е завршен, клубот може да направи многу работи“, подвлече искусниот Италијанец.
На се ова првиот човек на клубот Клаудио Лотити истакна дека тренерот и не мора да го познава новиот играч, затоа служи скаутинг службата на Лацио.
Неверојатно.
