Во свое време Рафаел ван дер Варт беше еден од најдобрите фудбалери во светот. Холанѓанецот едноставно знаеше и тоа како се игра во средниот ред, беше голема ѕвезда во Ајакс, Реал Мадрид, репрезентацијата на Холандија, играше и во Хамбургер, Тотенхем.
Сега Ван дер Варт како и сите некогашни големи ѕвезди коментира актуелности од светот на фудбалот или евоцира спомени.
Тој во свое време играше заедно со Кристијано Роналдо во Реал Мадрид, а еве што кажува за него:
“Никогаш не излегуваше од дома. Прв доаѓаше на тренинзи, последен си заминуваше. Велам на шега од сите фудбалери со кои сум играл само на Роналдо пе**сот го немам видено. Тој е машина, неговото тело е за восхит, но тоа е само поради напорната работа во теретана и поради исхраната. Секоја чест за тоа. Роналдо е ужасно себичен. Ние и кога победувавме убедливо ако тој не беше меѓу стрелците, беше разочаран. Ако загубиме, а тој постигне два гола, беше во ред. Таков беше и Руд ван Нистелрој“ рече покрај другото славниот Холанѓанец.
