Единствениот трансфер на Барселона во јануарскиот прозорец би можел да биде Ансу Фати, тврди шпанскиот весник „Спорт“.
22-годишниот фудбалер уште еднаш се мачеше со повреди и не добива значителна минутажа, па ако сака да ги напушти Каталонците и да се упати во друг тим на позајмица во потрага по повеќе можности, ќе добие зелено светло.
Една од опциите за Фати е Севиља, но не е јасно како неговата последна повреда ќе влијае на клубовите кои се заинтересирани за него.
Ансу Фати има повреда на мускулот на десната нога од средината на ноември и се очекува да биде надвор од теренот околу 4 недели.
