Оваа сезона на Рома и тоа како не и оди. Сепак и покрај се ретко кој се надеваше дека токму Клаудио Раниери по третпат ќе прекине својата пензија и ќе седне на клупата на овој клуб од Рим. Од друга страна јасно е дека тој е само привремено решение, веројатно до јуни, ако не и порано, а потоа тој останува во клубот но како советник.
Во медиумите во Италија се шпекулира со планот на Раниери. А тоа во јуни на клупата на Рома да седне никој друг туку Карло Анчелоти, актуелниот стратег на Реал Мадрид.
Ова донекаде има смисла. Имено познато е дека Дон Карло во Реал ќе остане како тренер до јуни, такви се најавите а на негово место доаѓа Чаби Алонсо. Има и смисла во тоа ако се знае дека Карло Анчелоти дури осум години од својата играчка кариера ја мина токму во Рома.
Сепак до јуни има време, само да не биде побрзо, посебно ако се знае и Реал под водство на Дон Карло оваа сезона не фасцинира со игрите како во минатата.
