Она што се најавуваше во текот на изминатите денови, од попладнево е официјално. Без разлика што по долги години им донесе трофеј, раководството на Тотенхем му врачи отказ на Анџе Постекоглу.
Ова предмалку клубот од Лондон, победникот во Лигата на Европа и официјално го потврди:
„Исклучително сме му благодарни на Анџе за неговата посветеност и придонес во текот на неговите две години во клубот. Постекоглу засекогаш ќе биде запаметен како само третиот менаџер во нашата историја кој освоил европски трофеј, покрај легендарните личности Бил Николсон и Кит Буркиншо“ истакнаа од Тотенхем.
