Иако Челзи не успеа да се квалификува за Лигата на шампионите, натпреварите од елитното европско натпреварување сепак ќе се играат на неговиот „Стемфорд Бриџ“ благодарение на Шахтјор Доњецк. Поради воената ситуација во татковината, украинскиот шампион со години е принуден да игра во „егзил“ како домаќин, а оваа сезона го избра Лондон и стадионот на Челзи како своја база. Во претходните денови се појавија информации дека Шахтјор преговара со неколку лондонски клубови во врска со закуп на нивните објекти за домаќинство на Лигата на шампионите. Стадионите на Брентфорд и Фулам исто така наводно беа во игра, но првата опција беше „Стемфорд Бриџ“. На крајот, „сините“ се согласија да примат „закупци“ во својот стадион, кој исто така ќе биде домаќин на натпревари од елитното европско натпреварување оваа сезона, и покрај фактот што тимот од западен Лондон нема да игра.
Украинскиот клуб го потврди своето преселување во Лондон преку својата официјална веб-страница, заблагодарувајќи му се на Челзи за гостопримството.
“Играњето натпревари од Лигата на шампионите на „Стемфорд Бриџ“ ќе биде посебна можност и привилегија за Шахтјор. Благодарни сме на Челзи за нивното гостопримство на ова посебно место. Тоа е еден од најпознатите стадиони во светот, со неверојатна историја и атмосфера. Убедени сме дека натпреварите на нашиот тим ќе им пружат незаборавни емоции на сите љубители на фудбалот“ – се наведува во соопштението на украинскиот гигант.
