Барселона имаше огромни планови во летниот преоден рок. Добро е познато дека Каталонците ги сакаат шпанските репрезентативци Дани Олмо и Ник Вилијамс, но овие фудбалери се многу далеку од дресот на славниот клуб.
Германски РБ Лајпциг само се насмевна на понудата на Барса за Дани Олмо, а Нико Вилијамс по се, реши да остане уште една сезона во редовите на Атлетик Билбао.
Сепак, Барса нема намера да се откаже од доведување на овие играчи се додека има шанса. Подготвени се да продадат две големи ѕвезди за да го надополнат фондот за купување на Олмо и Вилијамс.
Наводно, управата на клубот ги известила бразилскиот напаѓач Рафиња и холандскиот играч за врска Френки де Јонг дека се на трансфер листата и дека сакаат да ги продадат. Ова дуо не се грижи премногу бидејќи немаат намера да си заминат.
„Барселона навистина сака да ги продаде Рафиња и Френки де Јонг. Сепак, клубот наиде на проблем бидејќи играчите одбиваат да заминат“, вели новинарот Хави Мигел.
За заминувањето на овие фудбалери се зборува со месеци. Рафиња беше поврзуван со тимови од Саудиска Арабија и со одредени тимови од Премиер-лига. Сепак, неговите агенти како и играчот отфрлаат секаква можност за заминување.
Рафиња е среќен во Барселона и нема намера да замине“, јасно рекоа неодамна луѓето кои се грижат за кариерата на 27-годишниот Бразилец.
Френки де Јонг, пак, не сака премногу јавно да ги коментира клупските одлуки. Сигурно е изненаден од одлуката на првиот човек на Барса, но нема намера да го напушти лукративниот договор кој во следната сезона ќе му донесе речиси 30 милиони евра.
Интерес за 27-годишниот Холанѓанец покажаа Манчестер Јунајтед и Челзи. Исто така, во еден момент Баерн беше сериозна опција, но залудно кога брилијантниот играч за врска нема намера да си замине.
