Жозе Мурињо најверојатно нема да го промени својот колоритен стил до крајот на својата тренерска кариера, а Специјалниот го покажа својот остар карактер откако неговиот Фенербахче победи со 2-1 на домашен терен против Хатајспор во 17. коло од турската Суперлига.
„Зошто да се плашиш да ја кажеш вистината? Од што се плашат луѓето во оваа земја? Дали мислите дека разликата во бодовите се должи исклучиво на фудбалот што се игра?. Не зборувам турски, па не гледам телевизија, не читам весници или социјални мрежи. Секако дека имам мои размислувања. Со оглед на сите години од мојата кариера, вакво нешто досега не сум видел. Не е разбирливо, тоа е надвор од клубот. Мислам дека овој систем не може да се скрши, барем засега“, жали тренерот на „Лентерн“, навестувајќи дека неговата екипа е оштетена во трката за титулата.
„Ако сте задоволни со состојбата на оваа лига, можете да бидете задоволни со оваа ситуација. За да ја намалиме разликата треба да ги добиваме натпреварите и во исто време лидерот да губи бодови. Важно прашање е како ќе изгубат бодови? Вчера го слушнав истиот збор: скандал. Го слушам тој збор цело време. На некои од вас им се допаѓа“.
Тој навести дека првенството е решено на неспортски начин.
„Да имаше противникот други екипи, можевме да останеме со осум играчи. Знаеме во каква „токсична“ лига играме. Тие знаат како да играат против нас и како да играат против опозицијата. И на овој натпревар во Ејуп требаше да има 5 црвени картони. Таква е ситуацијата. Нашите играчи и нашите противници го знаат тоа. Мораме да одиме напред“.
