Манчестер Јунајтед стапил во контакт со поранешниот француски селектор Дидие Дешан, разгледувајќи ја можноста тој да го наследи Мајкл Карик на менаџерската позиција, но 58-годишниот стратег не е премногу заинтересиран за понудата.
Според информациите на францускиот „Фут Меркато“, Дешан не е воодушевен од актуелната состојба во клубот, пред сè поради лошата атмосфера, несогласувањата меѓу раководството и навивачите, како и незадоволителната трансфер-политика.
Јунајтед, во меѓувреме, по девет одиграни кола во Премиер-лигата се наоѓа на 17. место со само седум освоени бодови. Дешан, кој ја предводеше Франција 14 години и ја освои светската титула во 2018 година, нема намера да брза со враќањето на тренерската работа и подготвен е да почека поповолна можност.
