Италијанската јавност веќе трет ден се бави со Даниел Малдини, и неговата огромна глупост. Младиот играч на Каљари направи сообраќаен судар, а при што бил под дејство на акохол, а како што покажаа и првичните тестови и под наркотични средства.
Сепак, денеска јавноста пренесува дека вториот тест кој што Малдини го направил во клиника во Каљари, а што се однесува до наркотичните средства е негативен.
Резултатите од тестовите беа негативни за секоја од наведените супстанции, амфетамин, кокаин, марихуана, екстази, метамфетамин… Играчот веднаш објави фотографија од резултатите на социјалните мрежи и вчера се врати на тимските тренинзи пред саботниот натпревар против Удинезе.
Првиот тест, спроведен од миланската полиција на местото на несреќата, беше прелиминарен. Ваквите тестови служат само како показател и немаат правна тежина. Единствено резултатите од болничката анализа на крвта ќе се сметаат за официјални и конечни. Примерокот од Малдини беше земен во болницата „Фатебенефратели“, а резултатите се очекуваат за околу десет дена.
