Во летниот преоден рок Џошуа Зиркзе беше еден од главните вести во поглед на трансферите. Кога ќе потпишеш за Манчестер Јунајтед секако дека тоа е голема вест за било кој фудбалер. Така и за Холанѓанецот кој од Болоња, каде блескаше, се пресели на Отровот. Реално добро му тргна, но како што одминува времето, тешко некако му оди во гигантот од “Олд Трафорд“.
Токму затоа се погласни се гласините дека сака да се врати во Италија. Тој на 11 средби во дресот на Манчестер Јунајтед има само еден гол и една асистенција, премалку во секој случај.
Се шпекулира дека за него силно е заинтересиран Јувентус, посебно ако се знае дека Тиаго Мота, сегашниот стратег на Јуве на Зиркзе му беше тренер во Болоња каде Холанѓанецот брилјираше.
Којзнае, дали на повидок е трансфер во клубот од Торино?
Инаку Зиркзе, барем такви се шпекулациите, по секоја цена барал од својот агент да стори се шото може како би се вратил во Италија.
