Левски на нашиот Никола Серафимов (не настапи поради повреда) со пораз го започна настапот во лигашката фаза на Лигата на Европа, откако на домашен терен загуби од Салцбург со 0:1. Австрискиот тим беше подобар во поголемиот дел од првото полувреме, а победничкиот гол го постигна Табаковиќ во 39. минута.
Напаѓачот на Салцбург ја затресе мрежата по рикошет во казнениот простор и му донесе предност на својот тим. Левски во второто полувреме се обиде да стигне до израмнување и создаде неколку шанси, но без реализација.
Во вториот натпревар вечерва, ОФИ Крит славеше над Хофенхајм со 2:0, со што грчкиот тим забележа победнички старт во Лигата на Европа.
