Квича Кварацхелија пристигна на лекарски прегледи во ПСЖ и наскоро се очекува да го потпише договорот со францускиот првак.
„Ле Паризиен“ објави дека крилниот напаѓач пристигнал во Париз уште синоќа, а утрово бил прегледан во медицински центар. Наполи за грузискиот интернационалец ќе добие 70 милиони евра, а оваа сума најверојатно ќе биде исплатена во три рати.
Кварацхелија кој во наполи имаше плата од 1,8 милиони евра годишно по оданочување, во Франција ќе биде платен петпати повеќе. Договорот ќе биде со важност до 2029 година.
