Реал Мадрид презеде решителни мерки денеска официјално ги достави до УЕФА резултатите од нивната истрага за настаните од минатиот вторник на „Естадио да Луж“. Инцидентот се случи за време на првиот натпревар од плејофот за Лигата на шампионите 2025-26 помеѓу шпанските гиганти и португалскиот тим Бенфика. Реал Мадрид собра детални информации за тоа што се случи на стадионот на Бенфика по голот на Винисиус. Тензиите ескалираа до тој степен што натпреварот беше привремено прекинат откако судијата Франсоа Летексиер го активираше протоколот против расизам. Причината за ова беше жалбата на Винисиус за навредите упатени од аргентинскиот играч на Бенфика, Престијани.
Клубот од Мадрид ја фокусираше својата истрага главно на настаните на трибините на „Естадио да Луж“. Според собраните информации, некои од локалните навивачи направиле расистички гестови кон играчите на Реал, а особено кон Винисиус.
Во исто време, клубот верува дека наводните навреди од страна на Престијани кон Бразилецот ќе бидат тешки за докажување. Се тврди дека играчот на Бенфика постојано го нарекувал напаѓачот на Реал Мадрид „мајмун“, но тоа го правел додека го покривал лицето со маицата. Во својот официјален став, Реал Мадрид соопшти:
„Реал Мадрид објавува дека денес ѝ ги достави на УЕФА сите достапни докази во врска со инцидентите што се случија минатиот вторник, 17 февруари, за време на натпреварот од Лигата на шампионите што нашиот тим го играше во Лисабон против Бенфика. Нашиот клуб активно соработува со истрагата што ја започна УЕФА по неприфатливите епизоди на расизам доживеани за време на натпреварот за кој станува збор. Реал Мадрид сака да се заблагодари за едногласната поддршка и наклонетост што нашиот играч Винисиус Жуниор ја доби од сите сфери на светскиот фудбал. Реал Мадрид ќе продолжи да работи во соработка со сите институции за искоренување на расизмот, насилството и омразата во спортот и во општеството.“
sportmedia.mk
