Правната битка на Дани Алвеш во Шпанија и покрај ослободителната пресуда која што ја доби пред некој ден сепак не е завршена. Најавена е жалба на таа одлука на повисоките судски инстанци, и тоа значи дека случајот ќе добие ново продолжение.
Обвинителството го најави ваквиот развој на настаните преку официјално соопштение, во кое се вели дека одлуката која е донесена ќе биде обжалена на врховен суд.
Како што е познато, Дани Алвеш, поранешниот бразилски репрезентативец и еден од најтрофејните фудбалери во историјата е обвинет дека во 2022 година силувал девојка во ноќе клуб. Првично беше осуден на четири и пол години затвор, казна што делумно ја одлежа на име притвор додека траеше судскиот процес, за да потоа истата биде укината.
Следува периов во кој обвинителството повторно ќе се обиде да ја докаже неговата вина, и да го врати Дани Алвеш во затвор од каде што најпрво излезе во домашен притвор, а потоа и на слобода.
