Фудбалерите на Барселона добија заслужен одмор за време на новогодишните празници, а Ламин Јамал реши да патува со своето друштво неколку дена во Дубаи, каде што ја воодушеви фудбалската јавност со својот потег.
Минатиот викенд, Барселона победи со 2:0 на гости кај Виљареал и ќе ја заврши 2025 година како лидер во Ла Лига, каде што ја брани титулата шампион на Шпанија.
По натпреварот фудбалерите на Барселона добија неколку дена одмор за време на новогодишните празници, а следниот натпревар ги чека на 3 јануари, за кога е закажано каталонското дерби Еспањол – Барселона.
Многу играчи на Барселона решија празниците да ги поминат со своите семејства, а некои од нив го искористија тоа време за да патуваат надвор од Шпанија.
Така се најде Ламине Јамал во центарот на вниманието, кој со своето друштво отиде во Дубаи каде што ќе поминат неколку дена.
Јамал е само еден од голем број познати фудбалери кои го поминуваат својот зимски одмор во тој град, но сепак успеа да се истакне и да ја воодушеви фудбалската јавност со својот потег. За време на прошетка по улица во Дубаи, играчот на Барселона видел момчиња како играат фудбал и решил да им се придружи, што за нив бил огромен шок.
Тие не можеле да поверуваат дека тоа е навистина Јамал и дека ги моли да играат фудбал со нив.
На социјалните мрежи се појавија неколку видеа на кои се гледа како Јамал игра фудбал со момчиња на плажа, а таков потег на ѕвездата на Барселона ја воодушеви јавноста ширум светот.
Иако Јамал често е критикуван од јавноста бидејќи многумина веруваат дека се однесува дрско за своите години, овој пат ги замолчи критичарите со пофален потег.
Јамал ќе остане во Дубаи уште неколку дена и се очекува да се врати во Барселона на почетокот на следната недела кога овој тим ќе ги започне подготовките за претстојните натпревари.
😍 Imagina estar en la playa y que llegue Lamine Yamal para sumarse a tu partido de fútbol playa
🎄 El crack del Barça está pasando sus vacaciones navideñas en Dubai
🎥 IG | ismail.qc pic.twitter.com/7zWdkD2AmX
— Mundo Deportivo (@mundodeportivo) December 25, 2025
🎥 | Lamine Yamal playing football with kids yesterday on the beach in Dubai. 🇦🇪🏖️ pic.twitter.com/Mp9Gsm9Gvw
— Access Yamal (@AccessYamal) December 25, 2025
