Со голот на Исак Ромеро, екипата на Севиља славеше победа над Атлетико Мадрид од 1:0 во рамките на Ла Лига. Со тоа андалузискиот тим ја прекина низата без триумф над „јорганџиите“ која трае од декември 2021 година.
Ромеро е првиот шпански фудбалер кој постигнал три гола во првите пет натпревари во Ла Лига со Севиља после Алваро Негредо во сезоната 2012/13.
Овој пораз го оддалечи Атлетико од борбата за титулата затоа што има 48 бода, 13 помалку од лидерот Реал Мадрид. Севиља е на 15-тото место со 23 бода.
