Иднината на Давиде Фратези е во Милано. Како што објавија италијанските медиуми денеска, играчот од средниот ред веќе и официјално е фудбалер на „нероаѕурите“, откако Интер ја активирал опцијата за откуп на неговиот договор од екипата на Сасуоло.
Фратези пристигна од Сасуоло минатото лето на позајмица, а миланскиот клуб веќе се обврза да го откупи неговиот договор. Фратези ќе потпише договор со Интер по завршувањето на сезоната, откако Интер ќе мора да ги уплати дополнителните 27 милиони евра во касата на Сасуоло, покрај веќе платените 6 милиони евра за позајмицата.
