Конечно. Манчестер Сити вечерва ја прекина својата црна, својата ужасна серија од седум меча во низа без победа во сите натпреварувања.
Вечерва четата на Пеп Гвардиола на свој терен со 3:0 го победи Нотингем Форест. Ова се бараше од Сити и Пеп. Стрелци на головите беа Бернардо Силва, Де Брујне и Доку.
Каков меч на “Сент Џејмс Парк“? Вистинско лудило. Њукасл водеше со 1:0 и 2:1 со головите на Исак и Гордон. Ливерпул израмнуваше и поведе со 2:3 со головите на Џонс и два на Салах, но во 90.минута Шер израмни и ги постави конечните 3:3.
Ова е еден од најубавите мечеви сезонава во ПЛ.
Очекувано Челзи на гостувањето кај Саутемптон победи со 1:5 и со тоа ја продолжи успешната серија. Нема дилеми, Челзи си гази под водство на Енцо Мареска.
Дисаси, Нкунку, Мадуеке, Палмер и Санчо беа стрелците за Челзи, иако според шансите требаше да биде барем 1:10.
Евертон со 4:0 на свој терен славеше против Вулверхемптон.
