Од ден на ден се погласни се критиките од играчите, а сега и од тренерите во врска со згуснатиот распоред. По Карло Анчелоти, сега јавно го дигна гласот и Пеп Гвардиола. Сити долго време беше непоразен, а сега за само неколку дена “врза“ два порази по ред.
Се разбира дека Пеп поради повреди не може да смета на голем број играчи, но факт е дека и заморот си го прави своето.
По ова Пеп јавно се огласи пред гостување кај Спортинг во рамките на 4.коло во Лигата на Шампионите:
„Ако играме на СКП тогаш во сезоната ќе имаме и повеќе од 70 натпревари. Таа бројка некаде е иста како во НБА, но со важна напомена. Клубовите од НБА по завршување на сезоната имаат четири месеци одмор а ние само три недели?! И кога е така тогаш лесно играчите се повредуваат“ посочи менаџерот на шампионот на Англија.
