Франција забележа убедлива победа од 3-0 над Ирак во второто коло од Групата И на Светското првенство, во натпревар кој беше прекинат два часа поради временските услови.
Херој на натпреварот беше Килијан Мбапе, кој постигна два гола, додека Усман Дембеле постигна еден гол.
Првата сериозна иницијатива на Французите беше крунисана во 14-тата минута кога Мбапе ја прими топката на околу 18 метри од голот и со прецизен моќен удар го совлада ирачкиот голман Басил за водство од 1:0.
По првите 45 минути, имаше неочекуван прекин. Поради грмотевиците, организаторите го активираа безбедносниот протокол што се применува во САД, според кој натпреварот автоматски се прекинува ако се регистрира гром во радиус од 13 километри од стадионот.
Играчите веднаш отидоа во соблекувалните, додека навивачите беа повикани да се засолнат на безбедни места во стадионот.
По повеќе од два часа чекање, екипите се вратија на теренот. Долгата пауза не ги вознемири Французите, кои продолжија да доминираат, па во 54-тата минута Ирак скапо плати за големата грешка во одбраната која го искористи Дембеле, ја прекина акцијата, а потоа го проигра Мбапе, кој немаше потешкотии да постигне гол за 2:0.
Недолго потоа, Мајкл Олисе ја погоди пречката, но конечните 3:0 беа постигнати во 66-тата минута кога Олисе го проигра Дембеле, кој мирно ја заврши акцијата и ја потврди убедливата победа на Франција.
