Нов шок за Германија. Иако четата на Јулиен Нагелсман, и поради тоа што завршниот турнир во Лига Нации се играше на нивни терен, заврши како четврта, односно последна.
По поразот во полуфиналето од Португалија, денеска во меч за 3.место подобра беше и селекцијата на Франција и тоа со 0:2 попладнево на „МХП Арената“ во Штутгарт.
Германија одигра добар меч, но не ги користеше своите шанси. Франција пак на крилјата на својот капитен Килијан Мбапе одигра на своето ниво и успеа да победи.
Прво напаѓачот на Реал Мадрид во 45 минута донесе водство од1:0, за да во 84.минута по една фантастична контра, Мбапе несебично му асистираше на Олисе на кого не му беше тешко да погоди за 2:0.
Вечерва од 21 часот на „Алијанц Арената“ во Минхен, се игра финалето меѓу Португалија и Шпанија.
Ова беше 90.меч за Мбапе во дресот на Франција и ова беше неговиот јубилеен 50 репрезентативен погодок.
ФОТО: Frennch team/X
