Јасно е дека кога станува збор за Адидас, а посебно за Реал Мадрид, тогаш нема промашување во однос на дресовите. Сепак дресот на “Кралевите“ за сезоната 2026/2027 веќе циркулира на социјалните мрежи и предизвика многу дискусии меѓу навивачите, иако не е сигурно дека тоа всушност ќе биде дресот за следната сезона. Официјалното претставување на новиот дрес од страна на кралскиот клуб и Адидас нема да биде наскоро. Првите слики прикажуваат дрес верен на идентитетот на Реал, традиционален бел дрес, но со мали, револуционерни детали кои предизвикуваат контроверзии. Според порталите „Footy Headlines“ и „Opaleak“, белата боја останува доминантна, но јаката, логото на Адидас и спонзорите Емирати и ХП би биле во темно зелени тонови, додека лентите на ракавите би биле розови.
Оваа комбинација на бои никогаш порано не е користена на домашниот дрес на Реал Мадрид, предизвикувајќи мешани мислења на социјалните мрежи. Во сезоната 2012/2013, Реал Мадрид имаше резервен дрес кој беше целосно зелен. Розовата боја беше исто така користена, но никогаш во комбинација со друга боја, во овој случај зелена, како што веројатно ќе се случи во 2026/2027 година.
🚨 BREAKING: Bocoran awal jersey home Real Madrid musim 2026/27! 👕⚪️ @opaleak
Gimana? Suka? 🤔 pic.twitter.com/bfRABjYFAy
— Seputar Real Madrid (@SeputarMadrid) December 26, 2025
