Бразилскиот напаѓач Ендрик сака да го напушти Реал Мадрид во зимскиот преоден рок поради малата минутажа. Според „Диарио АС“, 20-годишниот фудбалер не е задоволен од својата ситуација во мадридскиот клуб.
Ендрик сезонава има само еден настап во Ла Лига, без постигнат гол или асистенција.
За него интерес повторно покажува Рома, која би можела да го ангажира на позајмица до крајот на сезоната. Италијанскиот клуб беше заинтересиран за Бразилецот и во летниот преоден рок.
Ендрик има договор со Реал до 2030 година, а неговата вредност се проценува на околу 40 милиони евра. Минатата сезона беше на позајмица во Лион, каде што постигна осум гола и запиша пет асистенции на 21 натпревар. Конечната одлука за неговата иднина се очекува во текот на јануарскиот преоден рок.
