Холандскиот репрезентативец и фудбалер на Борусија Дортмунд, Донијел Мален би можел уште зимава да го напушти германскиот гигант.
Како што јавуваат германските медиуми Борусија одбила понуда од Астон Вила која гласела 16 милиони евра. Информациите велат дека Борусија не би го пуштила Мален за сума помала од 20 милиони плус вклучени бонуси. Доколку во Дортмунд пристигне таква понуда „милионерите“ не би имале ништо против да се разделат со холанѓанецот.
Мален пристигна во Дортмунд во 2021 година и сезонава има постигнато 3 погодоци на 13 настапи во Бундеслигата.
