Роберто Де Зерби го опиша Тотенхем како „комплетен тим“ по победата од 2-0 над Челзи во саботата. Спарси ја остварија само втората победа на Стемфорд Бриџ во 34 гостувања во Премиер лигата, со автоголот на Мајк Пендерс во 77-мата минута и одличниот индивидуален потег на Матис Тел 10 минути подоцна што го обезбедија реткиот успех.
“Тоа беше значаен настан за навивачите, за клубот, но и за играчите. Тие ја заслужија оваа победа, се подготвија многу добро. Ние правиме значителен напредок – го подобруваме нашиот менталитет, нашата групна кохезија и односите меѓу играчите, а исто така ја развиваме и нашата игра на теренот“, рече Де Зерби…
„Кога вечераме заедно или поминуваме време заедно во соблекувалната, гледам поинаква група, различни односи и поинаква атмосфера меѓу играчите“, додаде Италијанецот.
Де Зерби откри дека пред ремито 1-1 со Манчестер Јунајтед претходно овој месец, тимот одиграл натпревар за кој верува дека може да биде пресвртница во сезоната.
„Работевме на промена на менталитетот во нашиот клуб во текот на изминатата сезона. Пред натпреварот со Манчестер имавме сериозен разговор – навистина голем состанок каде што ги симнавме маските и разговаравме искрено и отворено еден со друг. Мислам дека од тој момент нешто во нас се промени“, коментираше тренерот на Тотенхем.
