Мајкл Олисе беше незапирлив на теренот во победата на Баерн од 5-0 против Бодо/Глимт, но беше човек со малку зборови пред камерите по натпреварот. Французинот беше прогласен за играч на натпреварот со два гола и една асистенција, по што следеше необично интервју за DAZN.
Неговиот настап му даде на новинарот Јохен Штуцки доволно материјал за разговор. Проблемот беше што Олисе немаше претерана желба да зборува за тоа. Првото прашање се однесуваше на чувството по убедливата победа.
„Сакавме да победиме. Победивме. Среќни сме“, кратко одговори Олисе.
Новинарот потоа се обиде да дознае повеќе за неговите голови и го праша колку е тешко да се постигнат такви голови.
„Не знам“, беше одговорот на Французинот.
Штуцки продолжи да инсистира, објаснувајќи дека не секој фудбалер може да постигнува такви голови. Тоа не го натера ниту Олисе да даде подолг одговор.
„Јас шутирам. Топката влегува или не влегува внатре“, рече мирно ѕвездата на Баерн.
Потоа новинарот се насмеа и го призна поразот.
„Ми го правиш ова интервју доста тешко“, му рече тој на Олисе, по што разговорот набрзо заврши.
🚨😅| Michael Olise asked how it feels to score such great goals: “I don’t know”.
Asked how he does it: “I shoot and it goes in” pic.twitter.com/vw5b7ojCdI
— Kalshi FC (@KalshiFC) September 10, 2026
