Марио Балотели има нов клуб. Супер-Марио кој некогаш важеше за еден од најдобрите напаѓачи во светот, својата кариера ќе ја продолжи во С. Арабија. Тимот на АЛ – Итифак е негов 13-ти клуб во кариерата.
Фудбалската пауза на Марио Балотели се чини дека заврши. Контроверзниот 35-годишен напаѓач, кој е без клуб откако му истече договорот со Џенова во јуни 2025 година, потпишал за Ал-Итифак од Саудиска Арабија. Поранешниот италијански репрезентативец го одигра својот последен официјален натпревар во декември 2024 година, а неговото време во Џенова беше обележано со судир со тренерот Патрик Виеира, што доведе до негова суспензија дури и пред да му истече договорот, објави „Скај Спорт Италија“.
Балотели потпишал договор со Ал-Итифак до јуни 2028 година. Во соблекувалната ќе го пречекаат некои познати имиња како што се Џорџинио Вијналдум, Џек Хендри, Муса Дембеле и поранешниот играч од средниот ред на Верона, Ондреј Дуда.
Со тоа, тој играл во дури шест различни земји: Италија, Англија, Франција, Швајцарија, Турција и сега Саудиска Арабија.
Во исто време, ова е неговиот 13-ти клуб во кариерата. Досега играл за Лумецане, Интер, Манчестер Сити, Милан, Ливерпул, Ница, Марсеј, Бреша, Монца, Адана Демирспор, Сион и Џенова.
