Петмесечно бебе во Русија загинало откако врз него паднал човек, кој сакал да се самоубие со скок од 17 кат на една станбена зграда. Инцидентот се случил во градот Вороњеж, а трагедијата ја снимиле безбедносните камери.
Во видеото, кое е отстрането од социјалните мрежи, се гледа мајка која ја турка количката во која се наоѓа нејзиното бебе, синот Иља. Во еден момент движејќи се таа врти кон лево и токму во тој момент врз нив паѓа мажот.
– Мажот кој паднал врз количката загинал на лице место, а петмесечното бебе починало во болница, потврдил извор од локалната полиција.
Итната помош која стигнала само неколку минути по несреќата, дала се од себе да го спаси бебето, но и покрај се не успеале.
Според сведоци на трагичниот настан мајката морала веднаш да прими седативи за да ја смират, а настраданото дете и било првороденче.
